nyamosor

Чингис хааны нэрэмжит Их Засаг олон улсын их сургуулийн ректор, Монгол Улсын гавъяат багш, доктор, (Sc.D), профессор Намсрайн Ням-Осор 

Ректорын мэндчилгээ

Их Засагчууд бид 2019 оны намар тэмдэглэх төрөлх сургуулийнхаа 25 жилийн ойг угтаж хийх ажлаа төлөвлөж Их Британийн Магадлан Итгэмжлэх Үндэсний Зөвлөлөөр олон улсад магадлан итгэмжлэгдсэн гурван жилийн ажил үйлсээ нэгтгэн дүгнэж, сургуулийн эрхэм зорилго, стратеги зорилтуудаа ханган биелүүлэхэд үйл ажиллагаагаа чиглүүлэн ажиллаж байна.

Их засаг Олон улсын их сургууль нь 2017-2018 оны хичээлийн жилд бага ангийн багш, сургуулийн өмнөх боловсрол мэргэжлээр сургалт явуулах тусгай зөвшөөрөл авч энэхүү мэргэжлээрээ анхны  элсэлтээ аваад байна.

Багш ажиллагсдын ажлын байрны үнэлэмж дээшилж, оюутан төгсөгчдийн маань дипломын үнэ цэнэ дэлхийд хүлээн зөвшөөрөгдөх боллоо.

Манай сургууль судалгааны их сургууль болох зорилтоо ханган биелүүлэхийн тулд багш бүр жилд 2-оос доошгүй судалгааны ажил хийсэн байх, оюутан бүр эрдэм судалгааны ажлын дадал чадвартай болсон байх зорилтуудыг дэвшүүлэн ажиллаж байна.

2017-2018 оны хичээлийн жилд Их засаг Олон улсын их сургуулийн оюутан суралцагсдын сурлага хөдөлмөр, урлаг спортын амжилтууд өрнөн дэлгэрсэн, эрдэмтэн багш нарын маань эрдэм судалгааны ажлын чадавхи нь улам бүр дээшилж, ажилтан ажиллагсдын маань хөдөлмөр зүтгэлээр сургууль маань өнгө төрхөө олсон сайхан жил болно гэдэгт итгэл төгс байна.

2019 оны намар тэмдэглэх төрөлх сургуулийнхаа 25 жилийн ойг угтаж дэлхийн боловсролын стандарт, чанарын баталгаажуулалтыг хангаж өрсөлдөх чадвараа улам бүр дээшлүүлэн өөдлөн мандаж өрнөн дэлгэрэхийн өлзий буянтай сайхан ерөөлийг эрдмийн хамт олондоо уриалж байна.

Эзэн Чингисийн Их Засаг хууль дэлхийг төвшитгөж түүхэнд ул мөрөө үлдээсэн эртний домогт хуулиудын нэг билээ.

Энэхүү гайхамшигт хуулийн нэр алдраар овоглосон манай сургуулийн эрдмийн хамт олон Их Засаг хэмээх бренд нэрээрээ гоёцгооё.