Шинжлэх ухааны сургууль

БИД ХӨДӨЛМӨРИЙН ЗАХ ЗЭЭЛИЙН ЭРЭЛТЭД НИЙЦСЭН, ЧАДВАРЛАГ БОЛОВСОН ХҮЧИН БЭЛТГЭНЭ.

Захирлын мэндчилгээ

Эрхэм хүндэт эрдэмтэн багш, ажилтан, оюутан залуус, төгсөгчид, хамтран ажилладаг байгууллагууддаа энэ өдрийн мэнд хүргэе.

“Их Засаг” ОУИС нь ахисан шатны сургалтыг 1999 оноос Эрдмийн сургууль нэртэйгээр 22 дахь жилдээ эрдэм шинжилгээ, сургалт, судалгааны үйл ажиллагаа явуулж байна.

Тус сургуулийн Удирдах зөвлөлийн 2019 оны 01 дүгээр сарын 14-ний өдрийн А/02 тоот тогтоолоор “Шинжлэх ухааны сургууль” болж “Их Засаг” ОУИС-ийн бүрэлдэхүүн сургуулиудын нэг болсон.

Шинжлэх ухааны сургууль нь төрөөс боловсролын талаар баримтлах бодлого, Олон улсын жишигээр шинжлэх ухаан, технологийн дэвшилд үндэслэн ахисан шатны болон эрдмийн зэрэг олгох төгсөлтийн дараах сургалтыг дараах чиглэлээр эрхлэн явуулж байна. Үүнд:

  • Эрх зүйн эчнээ
  • Эрх зүйн магистр
  • Олон улсын эрх зүйн доктор
  • Түүхийн ухааны доктор
  • Нягтлан бодох бүртгэлийн эчнээ
  • Бизнесийн удирдлагын магистр
  • Аялал жуучлалын магистр

2018 онд БСШУ-ны сайдын тушаалаар ОХУ-ын Буриадын их сургуультай хамтарсан “Олон улсын эрх зүй”-н чиглэлээр докторын зэрэг хамгаалуулах зөвлөлтэй болж эдүгээ хууль зүйн ухааны 4 доктор төрөн гарсны зэрэгцээ БНХАУ, ОХУ, Казакстан зэрэг орнуудаас манай сургуулийн докторантурт суралцаж байгаа нь ОУ-ын их сургуулийн жишигт нийцсэн сургалт, судалгааны ажлыг явуулахыг зорьж байна.

ШУС-ийн эрдмийн хамт олон бид “Их Засаг” ОУИС мэдлэгийг үйлдвэрлэгч, баялгийг бүтээгчдийг төрүүлэх, оюутан суралцагчдын ажил амьдралын баталгааг хангахад чиглэгдсэн сургалт, судалгаа, инновацийн бүтээлч чадамжтай, судалгааны их сургууль болох эрхэм зорилгын хүрээнд нэр хүндээ улам бэхжүүлж, алсын хараа, зорилтоо нэр төртэй биелүүлэх зориг эрмэлзэл дүүрэн байна.

Та бүхэндээ чин сэтгэлийн халуун мэндчилгээ дэвшүүлж, эрүүл энх, аз жаргал, амжилт бүтээлийн дээдийг хүсэн ерөөе.

ХҮНДЭТГЭСЭН, ЗАХИРАЛ, УДИРДАХУЙН УХААНЫ ДОКТОР /Ph.D/,

ДЭД ПРОФЕССОР Х.ЛУТЧИМЭГ

Түүхэн товчоо

Их Засаг Олон Улсын Их Сургууль нь ахисан шатны сургалтыг 2000 оноос хойш Эрдмийн сургууль нэртэйгээр 19 дэх жилдээ эрдэм шинжилгээ, сургалт, судалгааны үйл ажиллагаа явуулж байна. Тус сургуулийн Удирдах зөвлөлийн 2019 оны 01 дүгээр сарын 14-ний өдрийн А/02 тоот тогтоолоор Шинжлэн ухааны сургууль болж Их Засаг Олон Улсын Их Сургуулийн бүрэлдэхүүн сургуулиудын нэг болсон.

Шинжлэх ухааны сургууль нь төрөөс боловсролын талаар баримтлах бодлого, Олон улсын жишигт нийцүүлж шинжлэх ухаан, технологийн дэвшилд үндэслэн ахисан шатны болон эрдмийн зэрэг олгох төгсөлтийн дараах сургалтыг дараах чиглэлээр эрхлэн явуулж байна.

ДАВУУ ТАЛ, онцлог

  • Хичээлийн хөтөлбөрүүд дотоодод болон Олон улсад (BAC) магадлан итгэмжлэгдсэн.
  • Монгол Улсдаа төдийгүй олон улсад хүлээн зөвшөөрөгдсөн хөтөлбөрөөр сургалтын үйл ажиллагаа явуулдаг.
  • Олон Улсын эрх зүйн чиглэлээр докторын зэрэг хамгаалуулах зөвлөлтэй.
  • Сургалтыг улирлын /хавар, намар/ болон Бямба гаригуудад хичээллэнэ.
  • Орон нутгийн салбаруудад суралцах боломжтой.
  • Доктор, профессор, магистраас дээш зэрэг цолтой мэргэжлийн өндөр зэрэгтэй багш нар хичээл заадаг.
  • Онлайнаар сургалт авах боломжтой.
  • Сургалтын стандарт хангасан орчин үеийн анги танхим кабинетаар бүрэн хангагдсан электрон номын сантай.
  • Сургалтын төлбөрийг улирлаар төлөх боломжтой.
  • Байгууллагын захиалгаар болон хамт олноороо суралцвал сургалтын төлбөрийг 20 хувь хүртэл хөнгөлнө.
  • Гэр бүлийн болон төгсөгчийн сургалтын төлбөрийг 30 хувь хүртэл хөнгөлнө.
  • 3 улирал дараалан А үнэлгээтэй суралцвал Чингис хааны тэтгэлэгт хөтөлбөрт хамрагдана.
  • Солонгос, ОХУ, Хятад, Казахстан зэрэг улсуудад эрдэм шинжилгээний хурал болон бусад хөтөлбөрт хамрагдах боломжтой.